EPROM：EPROM

出自維基百科，自由嘅百科全書

Intel 1702 係全球最早嘅 EPROM 型式

可擦除可規劃式唯讀記憶體（英文：Erasable Programmable Read Only Memory，縮寫EPROM），由以色列工程師Dov Frohman發明，係一種斷電後都仲可以保留數據嘅電腦儲存芯片——即係非易失性（非揮發性）。佢係一組浮柵晶體管，俾一個提供畀電子電路中常用電壓更高電壓嘅電子器件分別編程。一旦編程完成之後，EPROM只可以用強紫外線照射嚟擦除。通過封裝頂可以見到硅片嘅透明窗口，好容易識別到EPROM，呢個窗口同時用嚟進行紫外線擦除。

浮柵電晶體嘅截面示意圖

一個編程後嘅EPROM，可以保持數據大約10至20年，可以無限次讀取。擦除窗口一定要有嘢冚住，以防俾陽光擦除。舊電腦嘅BIOS芯片，一般係EPROM，擦除窗口會俾印上BIOS發行商嘅名、版本同版權聲明嘅標籤冚住。

一啲喺快閃記憶體出現前生產嘅微控制器，有用EPROM來儲存程序嘅版本，以利於程式開發；因為，如果用一次性可編程器件，喺調試時會造成嚴重浪費。

EPROM嘅型號同容量[編輯]

除咗 1702 之外，EPROM 係 27 系列型號，各種容量同型號請睇附表，編號之前可能加有廠商嘅英文字頭，同一型號可能有唔同嘅速度同封裝方式，並附加喺編號後面。每個廠牌同型號嘅 EPROM 讀取上相容，但燒錄規範可能會有啲唔同。 (此外，用 EPROM 嘅 MCS48/51 家族 MCU 就係 87 系列)

部分比較新嘅 EPROM 可以由簽名模式（signature mode）進行型號自動識別，方法係將 A9 提升到 12V，晶片就會送出2 byte 嘅識別數據。由於唔係所有型號都有呢個功能（尤其係早期嘅型號），因此燒錄嘅時候有可能要人工指定型號。

EPROM 型號 容量 — 位元（bit）數 容量 — 位元組（Byte）數 定址空間長度（十六進位） 最後位址（十六進位） 1702, 1702A 2 Kbit 256 100 000FF 2704 4 Kbit 512 200 001FF 2708 8 Kbit 1 KB 400 003FF 2716, 27C16 16 Kbit 2 K...